Преку шумата се обиделе да дојдат до Заев и Ципрас
Неколку лица се повредени во инцидентите што речиси четири часа траеле во селото Писодери во близина на Псарадес за време на протестот за „одбрана на грчкиот карактер на Македонија”, јавуваат грчките медиуми.
Инцидентите се случиле во шумскиот дел на местото од каде демонстрантите се обиделе да се упатат кон местото каде што премиерите Зоран Заев и Алексис Ципрас го потпишаа договорот меѓу Македонија и Грција, но полицијата ги спречила во намерата.
Насобраните граѓани ја напаѓале полицијата со дрва и предмети, а полицијата континуирано употребувала солзавец. По неколку часа инциденти, ситуацијата се смирила, а неколку лица, чиј број официјално не е потврден, биле пренесени во болница. Некои со проблеми со дишењето, поради солзавецот, други повредени во инцидентите.
Како што претходно јави МИА, „Македонија е грчка”, „Овде завршува Северна Македонија”, пишуваше на паноата на демонстрантите, кои со грчки и црни знамиња во рацете протестираа против потпишаниот договор.
Според грчките медиуми, вкупно 80 автобуси со граѓани од Солун и градови од северна Грција, утрово стигнале на пртест во близина на Преспа.
Ново на Сител
-
Потпишани барањата за екстрадиција на Шеваљ Муареми и Мухамед Чајани
-
ДИК: Заврши увидот во Избирачкиот список и регистрацијата на гласачите од дијаспората
-
Ковачевски: Владата подготви закон за рестриктивни мерки, Милошоски да го стави на комисија
-
Трамп: Ако победам, ќе го депортирам принцот Хари доколку лажел на апликацијата за виза
-
ДИК: Црната листа на САД не може да влијае врз претседателската кандидатура на Стевчо Јакимовски
-
Бебе загина во сообраќајка на патот Струмица-Ново Село
-
Приведен дебранец поради агресивно однесување кон полициски службеници
-
Разбиена криминална мрежа во Атина која регрутирала малолетни девојчиња и ги принудувала на проституција