Преку двата владини проекти вработени речиси 18.000 лица

Близу  18 илјади лица се вработиле преку двата владини проекти за пад на невработеноста.

Само преку Македонија вработува  до работно место дошле речиси 7,000 лица, а со мерките за вработување на млади  до 29 години се вработиле околу 10.700 лица. 

Надлежните задоволни, велат дека државните мерки за намалување на невработеноста ги даваат посакуваните резултати.

Одржувањето на саеми за вработување ширум земјава е уште еден проект на државата каде невработените имаат директен контакт со фирмите кои имаат потреба од нов кадар.

Според анализите на надлежните преку преку овие саеми значителна бројка на млади  успеале да го најдат своето работно место. Уште еден и последен ваков саем за годинава , ќе се одржи  на трети декември во Скопје.

Наредната година продолжува и мерката обука кај познат работодавач. Ќе бидат опфатени 340 лица.

За оваа намена државата издвои 730 илјади евра.