Прекини во сообраќајот на граничниот премин Меџитлија

Од 9 до 13 часот и од 17 до 21  часот во целосен прекин ќе биде сообраќајот за влез и излез од Македонија - Грција на граничните премини Меџитлија - Ники, поради штрајк на грчките земјоделци кои поставуваат трактори во близина  на преминот Ники, информира Автомотосојузот на Македонија.

Од 10 до 12 часот на граничниот премин „Богородица“, од страна на здруженијата на лиценцирани такси превозници и лиценцирани автобуски превозници од Гевгелија, се одржува јавен собир  на кој присуствуваат околу 70 такси возила и 12 автобуси, по што пред граничниот премин е блокиран А1 автопатот во двете насоки, соопшти АМСМ.