Прекината работата на нуклеарката Кршко поради силниот земјотрес во Хрватска
Поради силниот земјотрес кој денеска ја погоди Хрватска, а беше почувствуван и во Словенија, превентивно е прекината работата на нуклеарната централа Кршко.
Земјотрес со интензитет од 6,2 степена според Рихтерова скала го погоди денеска во 12:20 часот централниот дел на Хрватска, односно подрачјето околу градот Петриња, но го потресе и остатокот од земјата.
Нуклеарката Кршко прекина со работа според вообичаената постапка во случај на посилни природни несреќи. Таа е градена да биде отпорна на многу посилни потреси од оние кои досега се забележани во Словенија или Хрватска. Нејзината конструкција го издржа ударот од 7,9 степени, колку што беше јачината на најкатастрофалниот потрес на подрачјето на денешна Словенија во 1511 година. Уште еден силен земјотрес со интензитет од 5,7 степени се случи во 1917 година во близина на Кршко, кај Брежице.
Безбедноста на Кршко е дополнително зајакната по несреќата во нуклеарката Фукушима во 2011 година, а во случај евентуален потрес да ја загрози работата на словенечката нуклеарка таа би можела рачно или автоматски да се исклучи во рок од неколку секунди.
Ново на Сител
-
До 13 часот во Куманово одѕивот 23 проценти, во Липково 16, во Старо Нагоричане 22
-
Излезноста во Струга до 13 часот 16 отсто, во Вевчани 33 проценти
-
Им ветувале бесплатни водомери за да гласаат во нивно својство, пријавен случај на поткуп
-
До 13 часот во Прилеп гласале 31,41 отсто од граѓаните со право на глас
-
Излезноста до 13 часот е 26.35 отсто
-
Утре нова рунда од дијалогот Белград-Приштина
-
Во Крива Паланка излезноста на изборите до 11 часот е 24,5 отсто
-
Штипјанец и скопјанка ги фотографирале гласачките ливчиња