ОН предупредува дека не треба да се занемарат другите кризи во светот поради Украина
Високиот комесар за бегалци при ОН Филипо Гранди предупреди дека не смеат да се игнорираат кризите во другите делови на светот и луѓето на кои им е потребна помош поради хуманитарната и политичката криза предизвикана од војната меѓу Русија и Украина.
Гранди денеска присуствуваше на состанокот на Советот за надворешни работи на Европската унија.
Во изјавата за новинарите пред состанокот, Гранди рече дека во светот има кризи, не само во Украина, туку и на многу други места.
Гранди предупреди дека европските земји подоцна би можеле да направат многу поголеми трошоци доколку ја намалат помошта за други подрачја.
– Не смееме да ги заборавиме другите, рече Гранди, додавајќи дека украинската криза влијае на многу и онака кревки области како што се прехранбената сигурност, цените на енергијата, зголемените цени и нестабилноста.
Гранди нагласи дека, освен во Украина, треба да се интервенира во контекст на хуманитарни кризи и во многу други места како Африка, Блискиот Исток, Латинска Америка и Азија.
Тој додаде дека затоа веднаш по денешната средба ќе замине во Бангладеш за да дознае за состојбата на муслиманите Рохинџи во областа.
Ново на Сител
-
Јакимовски за црната листа на САД: Нечесна работа од нечесни луѓе
-
Просветните работници со години немаат земено плати во законскиот рок до 15-ти во месецот
-
Тема на денот со Гордан Јорданов, директор на ОМД за Македонија
-
Математички непресметливо бодување за идните судии и обвинители
-
Утре истекува рокот 7 кандидати да се пријават во ДИК за шеф на државата
-
Продолжено пријавувањето на дијаспората до утре – Сајтот на ДИК не функционира
-
Се слуша ли гласот на младите внатре во партиите? Знаат ли за дијалогот младите политички опоненти?
-
„Нема пари за плата, а за секој работник има по еден шеф“ – Протест на вработените во Пошта