Пред пратениците ќе бидат презентирани информации поврзани со преговорите со Бугарија
Претставници на Владата на Република Македонија се подготвени пред пратениците да презентираат информации поврзани со преговорите со Република Бугарија, потврдија од Владата за МИА.
-Во комуникација потврдено е дека постои интерес за одржување на сесијата во Собранието, периодов ќе следи усогласување на термините согласно агендите, по што јавноста ќе биде информирана, дополнуваат од Владата.
Претседателот Стево Пендаровски претходно во интервју за МИА рече дека според негови сознанија најверојатно следната недела Акцискиот план со Бугарија ќе се најде пред собраниската Комисија за европски прашања или за надворешна политика.
-Она што го знам како последна информација е дека најверојатно следната недела на собраниската Комисија за европски прашања или за надворешна политика двајцата во оваа смисла надлежни министри, значи Димитров за евроинтеграции и Османи…, рече Пендаровски, додавајќи дека дали седницата ќе биде отворена или затворена за јавност треба да биде одлука на членовите на Комисијата.
Претседателот додава дека не гледа причина зошто да нема седница на која ќе се информира за тековните активности со Бугарија. -Мислам дека е донесена одлука во Владата тоа да се случи. Нема причина зошто да не се случи. Тоа е нивна практично и тековна обврска одвреме-навреме да ги информираат законодавниот дом и пратениците. Значи, ќе има таква сесија, на која сигурно ќе се разговара и за најновиот развој на настаните во таа смисла, во смисла на документи…, рече Пендаровски во интервјуто за МИА.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари