Празнувањата на Голема Богородица и Св.Јоаким Осоговски во Крива Паланка со мерки за заштита од Ковид-19
На ден пред празнувањето на Голема Богородица во Крива Паланка и манастирот Св.Јоаким Осоговски, како и на празникот на патронот на манастирот, задутре на 29 август, Општина Крива Паланка во соработка со МПЦ-ОА, Кумановско-Осоговска епархија презема превентивни мерки за заштита од ширење на болеста COVID-19.
-Ги информираме сите граѓани, сопственици на угостителските објекти, како и другите стопанственици, дека годинава, поради новонастаната ситуација на пандемија од Ковид-19, нема да се спроведе праксата што се применуваше во сите изминати години и нема да биде дозволено поставување продажни штандови, како во урбаниот дел на градот, така и во близина на манастирскиот комплекс „Св.Јоаким Осоговски“. Исто така, нема да има ниту продолжување на работното време на угостителските објекти и нивните сопственици се должни да го почитуваат досегашното работно време, до еден часот, како и да се придржуваат на досегашниот протокол за работа, информира службата за комуникација со јавност при Општина Крива Паланка.
Празничната вечерна и утринска богослужба со света архиерејска литуρгија, како и сите други верски обичаи, за сите верници и посетители во манастирот ќе се одвиваат по одреден редослед, со запазување на мерките за заштита од Ковид-19, носење заштитна маска и одржување физичка дистанца.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка