Пратениците се гаѓаа со свински црева во собранието на Тајван
Пратениците на тајванскиот парламент се степаа на седницата и едни на други фрлаа свински црева поради новоусвоената политика што ќе овозможи увоз на свинско и говедско месо од САД.
Премиерот Су Ценг-Чанг требаше да им даде политички извештај на пратениците кога пратениците од Националистичката партија, позната како КМТ, го блокираа неговиот обид за говор со фрлање свински остатоци.
Пратениците од владејачката Демократска напредна партија се обидоа да ги спречат, што резултираше со хаос и размена на удари, наведува АП.
Администрацијата на претседателот Цаи Инг-вен ја укина долгогодишната забрана за свинско и говедско месо од САД во август, што е еден од првите чекори за можен билатерален трговски договор со САД. Таа забрана треба официјално да биде укината во јануари.
Сепак, на одлуката се спротивставија КМТ и индивидуални граѓани. Новата политика дозволува увоз на свинско месо со прифатливи остатоци од рактопамин, соединение што некои земјоделци го додаваат во добиточната храна и го подобрува растот на посното месо.
Ново на Сител
-
Мишел: Фармацевтските компании мора да ги исполнат договорите
-
Шекеринска меѓу 153 глобални лидери – потписници на писмо до претседателот на САД Бајден, за поддршка на новите политики во борбата со климатските промени
-
Ахмети тврди дека спорот со Бугарија ќе се реши оваа проле
-
Заев: Никогаш не сум посочил оти други лица се виновни за случајот „Монструм“
-
СК: Победи на Гут и Фојц
-
СП Ракомет: Македонија го заврши настапот во Египет со пораз од Белорусија
-
183 нови случаи на Ковид-19 во изминатото деноноќие, починати се 6 лица
-
Во Холандија судири меѓу демонстранти и полиција, 25 уапсени