Познати сите финалисти на Евровизија
Претставниците на Србија, Летонија, Грузија, Бугарија, Украина, Полска, Израел, Литванија, Белгија и Австралија синоќа изборија пласман во финалето на 61-то натпреварување за „Песна на Евровизија“ кое ќе се одржи во сабота на 14 мај во „Голуб арената“ во Стокхолм.
Швајцарија, Белорусија, Ирска, Македонија, Словенија, Данска, Норвешка и Албанија останаа надвор од пласманот како конкуренција во второто полуфинале.
Десет пласираните натпреварувачи од синоќешното, второ полуфинале, во финалето ќе се придружат на Азербејџан, Русија, Холандија, Унгарија, Хрватска, Австрија, Ерменија, Чешка, Кипар и Малта, како и директните финалисти - Германија, Шпанија, Велика Брианија, Италија и Франција и земјата домаќин Шведска.
Домаќините и водителите на програмата беше минатогодинешниот победник на Евровизија, Манс Зелмерлов и комичарката Петра Меде.
Начинот на гласање од оваа година е изменет во однос на досегашниот систем.
Стручното жири и гледачите од секоја земја доделуваат збир поени од 1 до 8, односно 10 и 12.
Откако гледачите гласаат по пат на своите телефони, испраќање СМС или користејќи ја официјалната апликација, презентерите од 42 земји учеснички се вклучуваат во програмата како и до сега и ги соопштуваат поените на професионалното петочлено жири.
По сооопштението на резултатите од жирито, гласовите од публиката ќе бидат искомбинирани и секоја песна ќе добие одреден број на бодови.
Сите гласови и од публиката и од стручното жири ќе бидат достапни на сајтот на Evrovizion.tv.
Светската ѕвезда Џастин Тимберлејк ќе настапи исто така во сабота на Евровизија, промовирајќи ја неговата нова песна.
Ново на Сител
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци
-
Венеција почнува да наплаќа влезници
-
ДИК објави упатство за гласање на претседателските избори
-
Избирачкиот список намален за 10 000 гласачи
-
Претседателски избори ќе ги следат 342 домашни и 568 странски набљудувачи
-
Право на глас на претседателските избори имаат 1.814.317 избирачи