Познати противниците на македонските кошаркарски селекции во евро-квалификациите

Познати се противници на кошаркарските македонски репрезентации, мажи и жени, во квалификациите за ЕП 2021. Денеска во Минхен беа извлечени квалификациските групи за Европските првенства 2021 во двете конкуренции. 

 

Мажите ќе играат во Б групата во која за противници ќе ги имаат еден од ко-домаќините на првенството Италија, некогашниот европски првак Русија и селекцијата на Естонија која е и најголемата шанса за Македонија. 

 

Со оглед на тоа дека Италија како ко-домаќин веќе има обезбедено учество на Еуробскет, црвено-жолтите својата шанса за настап на шампионатот ќе ја бараат пред се во двомечот со Естонија, селекција која пред две годни во пред-квалификациите за Мундијалот (2019-та) ги добија двата натпревари против нашата репрезентација (74-65 во Талин, 80-76 во Скопје). 

 

Токму против Естонците во Скопје кон крајот на февруари следната година ќе го отвориме квалификацискиот циклус, кој пак ќе биде заокружен со два домашни натпревари во февруари 2021-ва против Русија и Италија. 

 

20/21.02.2020 Македонија – Естонија

23/24.02.2020 Русија – Македонија

 

26/27.11.2020 Италија – Македонија

29/30.11.2020 Естонија – Македонија

 

18/19.02.2021 Македонија – Русија

21/22.02.2021 Македонија – Италија

 

 

Женската селекција ќе биде дел од поседната „И“ група, во која за противнички ќе ги има кошаркарките од Летонија, Германија и Хрватска против која игравме во претходниот циклус на квалификации. 

 

Хрватките ќе бидат последни во низата наши противнички, откако веќе во ноември годинава, прво ќе гостуваме во Германија, а потоа ќе ја пречекаме Летонија. 

 

Женските квалификации ќе се играат во три „прозори“, а пласман на ЕП 2021-ва ќе обезбедат победниците во деветте квалификациски групи, како и петте најдобри второпласирани репрезентации, разбирливо покрај домаќините на шампионатот, Шпанија и Франција. 

 

14.11.2019   Германија - Северна Македонија

17.11.2019  Северна Македонија - Летонија

 

12.11.2020  Хрватска - Северна Македонија

15.11.2020  Северна Македонија - Германија

 

04.02.2021  Летонија - Северна Македонија

07.02.2021  Северна Македонија - Хрватска