Познати полуфиналистите во фудбалскиот Куп на Македонија

Екипите на Академија Пандев, Шкендија, Брегалница и Струга ТЛ се пласираа во полуфиналето на Купот на Македонија, 

 

Бранителот на трофејот од лани Академија Пандев ја сочува предноста од 1:0 од првиот меч против Шкупи, па по денешните 1:1, струмичкиот тим обезбеди полуфинале. 

 

Работнички и Шкендија одиграа без победник 2:2, а по тетовските 1:1 и поради повеќето постигнати голови на гостински терен екипата на Шкендија е полуфиналист. 

 

Брегалница и по вторпат беше подобра од Лабуништа, па по штипските 1:0, денеска забележа гостинска победа со 4:1.  

 

Најнеизвесното четвртфинале го одиграа Ренова и Струга ТЛ. Во реванш мечот се влезе со резултат 0:0, а иако тетовци први постигнаа гол сепак во продолжението гостите од Струга постигнаа два, па на крајот сосема заслужено тие ја комплетираа четворката екипи која ќе игра во полуфиналето.