Македонија
2. September 2019 - 8:16

Пожар меѓу три села во општините Карбинци и Пробиштип

Доцна синоќа гореше сува трева и ниско стеблеста шума во атарите на селата Горни Балван, Крупиште и Пишица. Зафатени беа повеќе ридови, а оган и чад може да се види и од повисоките делови на градот Штип.

Командирот на Противпожарната единица во Штип, Тони Атанасов рече дека на терен се сите пожарникари, огнот се гасне со рачни пумпи и метли, бидејќи станува збор за непристапен терен.

Противпожарните возила не можеа да пристапат кон теренот кој е зафтен. Во гаснењето на пожарот се вклучени и пожарникари од Пробиштип и Кочани. Засега не постои опасност за доближување на огнените јазици до некое од населените места, а пожарникарите имаат пунктови покрај овие три села за да се интервенира доколку се доближи огнот.

Атанасов вели дека станува збор за голема површина, но во моментов не може да се даде точна проценка за колку хектари се работи.