Свет
11. November 2016 - 10:53

Повторно протести во САД поради изборот на Доналд Трамп за претседател

Илјадници луѓе, од кои најголемиот број студенти, повторно протестираа во низа американски градови по изборот на Доналд Трамп за претседател.

Околу 300 лица организираа протест во Балтимор извикувајќи „Тоа не е мојот претседател!“ а на транспарентот пишуваше „Јас не сум ја избрал омразата за претседателска функција“.

Демонстрации имаше и во Чикаго, во Денвер и во Далас.

Во Сан Франциско протеститаа околу илјада млади луѓе, при што беше блокиран сообраќајот во финансискиот кварт.

- Доналд Трамп е расист. Тој ги напаѓа имигрантите и муслиманите, изјави демонстрантката Памела Кампос.

Во Лос Анџелес стотици студенти протестираа во кампусот на Калифорнискиот универзитет. Тие носеа транспатенти: „Љубовта ќе ја порази омразата“ и „Откажете се од Трамп“.

Околу 200 лица протестираа на Вашингтон сквер во Њујорк.