Повторно протести во Авганистан, и покрај заплашувањето од талибанците

– Протестите продолжуваат и денеска во неколку делови на Авганистан, и покрај заплашувањата и притисоците од страна на талибанците.

Неколку десетици демонстранти се собраа во близина на пакистанската амбасада во Кабул, а талибанците отворија оган за да ги растераат, потврдија демонстранти, објави Би Би Си.

Според медиумот, жените кои учествувале во протестите излегле на улиците во неколку градови, вклучувајќи ги провинциите Парван и Нимруз.