Повредени двајца полицајци при расчистување нелегална сеча на дрва во Доброште
Двајца полицајци биле полесно повредени откако автомобил што го управувало засега непознато лице не застанало на знакот од полицајците додека тие легитимирале три лица за нелегална сеча на дрва информираа од СВР Тетово.
Според полициските информации, вчера околу 17:00 часот по на патот кон тетовското село Доброште на место викано „Тумба“ полициски службеници од Полициската станица Рогачево ги затекнале лицата Б.Б.(48), Б.А.(37) и Р.Б.(46), сите од Доброште.
Тројцата биле со трактор „ИМТ 533“ без регистарски ознаки и со импровизирана рамприколка натоварена со дабови огревни дрва без да поседуваат било каква документација за сеча и транспорт. Во тој момент поминало патничко возило што го управувало непознато лице и кое не застанало на даден знак за запирање.
Лицето со возилото продолжило со движење и удрило во двајца полициски службеници кои немаат потешки повреди. Потоа еден од полициските службеници испукал еден куршум во воздух за предупредување но возилото не застанало. Увид на местото извршила екипа од СВР Тетово, а тракторот со огревни дрва, моторна пила и скутер бил предаден на Шумската полиција. Полицијата презема мерки за целосно расчистување на случајот.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово