Повеќето германски работници и по пандемијата сакаат да работат од дома
Повеќето вработени во Германија сакаат да работат од дома и по завршувањето на пандемијата на новиот коронавирус, покажуваат резултатите од анкетата на Универзитетот во Констанц.
Истражувачите анкетирале 700 луѓе кои работат од дома, од кои 56 отсто одговориле дека сакаат, барем делумно, да ја задржат својата „домашна канцеларија“.
– Голем број испитаници сакаат комбинација на домашна и вистинска канцеларија, велат авторите на студијата.
Додека 25 проценти од вработените рекле дека сакаат да работат полно работно време од дома, околу 42 отсто претпочитаат да работат од канцеларијата два до три пати неделно.
Анкетата е спроведена меѓу март и мај и ја претставува германската работна сила во однос на возраста и полот.
И додека повеќето испитаници признале дека работата на далечина не може да го надомести социјалниот аспект на заедничката работа и комуникација во живо, 45 отсто сметаат дека работеле поефикасно од дома. Меѓутоа, некои се чувствувале изолирано.
Ново на Сител
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак