-->
-->
Повеќе од 200 обвинети за насилствата во Вашингтон, за уште 400 се води истрага
-->
Федералното судство на САД обвини повеќе од 150 лица за вмешаност во насилствата во Капитолот во Вашингтон на 6 јануари. Уште 50 лица се обвинети пред локалните судови во главниот град на САД, изјави федералниот обвинител Мајкл Шервин.
Како што пренесуваат странските агенции, се очекува овие бројки да се зголемат затоа што истражителите сè уште, имаат информации за околу 400 учесници во инцидентот, кој се нарекува и обид за државен удар, бидејќи целта била напад на приврзаниците на сега веќе поранешниот американски претседател Доналд Трамп врз американскиот Парламент за да се спречи потврдата за избор на новиот шеф на државата Џо Бајден.
Пет лица ги загубија своите животи за време на нападот на американскиот Конгрес, меѓу кои и еден полицаец убиен од демонстранти и една жена демонстрантка која беше убиена од полицаец.
Трамп со недели го негираше својот пораз на претседателските избори во ноември, и покрај сите докази, претставувајќи се себеси како жртва на масовна „измама“. Непосредно пред нападот на Конгресот на САД, тој им се обрати на своите приврзаници, барајќи од нив да ја покажат својата „сила“, а наскоро имаше крвави немири.
-->
-->
-->
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање