Повеќе од 2 милиони заразени со коронвирус во светот, САД бележи најмногу смртни случаи
После два дена на пад во бројките, Соединетите Држави во вторникот забележаа црн рекорд со повеќе од 2.200 нови смртни случаи од коронавирусот за 24 часа, што е најголем дневен број на умрени од која било друга земја.
Според универзитетот Џон Хопкинс, САД во вторникот забележаа нови 2.228 смртни случаи, откако бројките во неделата и понеделникот биле во пад и се движеле околу 1.500.
Соединетите Држави сега имаат вкупно 25.757 мртви и речиси 610.000 заболени од коронавирус.
Претходниот рекорд за еден ден беше 2.108 смртни случаи, што се случи во петокот во САД.
Во текот на викендот, Соединетите Држави ги прегазија Италија (со околу 21.000 мртви), Шпанија (18.000) и Франција (15.700) во однос на смртните случаи.
Претседателот на САД, Доналд Трамп, се најде на мета на критики откако објави дека САД привремено ќе престанат со финансирањето на Светската здравствена организација (СЗО) поради нејзиното „лошо управување“ со епидемијата на коронавирусот.
САД се најголем донатор на Светската здравствена организација со повеќе од 400 милиони долари во 2019 година, што е околу 15% од нејзиниот буџет.
Генералниот секретар на Обединетите нации Антонио Гутереш изјави дека „не е време“ за намалување на ресурсите за Светската здравствена организација (СЗО).
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација