Македонија
17. јуни 2020 - 18:04

Повеќе лица се бркале со возила и мотори, па се тепале низ Куманово

Повеќе лица синоќа се тепале на улиците во Куманово.

„На 17.6.2020, во 01.30 часот, во СВР Куманово, Д. Ј. (33) и С. М. (18) пријавиле дека околу 23 часот додека се возеле со патничко моторно возило по улицата Моша Пијаде пред нив застанал мотоцикл управуван од С. П., а зад него била и А. М. А. М. физички ја нападнала С. М. по што го напуштиле местото на настанот.

Подоцна, околу 23.10 часот, на улицата Трета македонска ударна бригада, застанало возило, од кое излегла поголема група, меѓу кои и А. М., С. П., А. П., М. М., и физички го нападнале Д. Ј. Според пријавеното, кога С. М. се обидела да ги раздели, била нападната од А. П.“, велат од МВР.

Се работи на целосно расчистување и документирање на случајот, стои во соопштението од МВР.