Потребна поголема едукација за справување со дијабетесот
Потребна е поголема едукација на пациентите со дијабетес, на сите здравствени работници и професори. Ова денеска беше истакнато на доделувањето на признанието Центар за извонредност во грижата за дијабетесот која го доби Универзитетската Клиника за ендокринологија, дијабетес и метаболички нарушувања од Меѓународната федерација за дијабетес.
Државниот секретар во Министерството за здравство Владимир Милошев соопшти дека дијабетесот е хронично заболување кое зема се поголем замав во светот, но и во Македонија.
- Бројот на регистрирани лица со дијабетес кои се на инсулинска терапија во моментов во Република Македонија е 40.000, од кои три илјади се лица од тип 1, а 37.000 со тип 2. За таа цел Министерството за здравство на годишно ниво изготвува посебна програма за обезбедување инсулин, глукагон, инсулински игли, ленти за мерење шеќер и едукација за третман и контрола на дијабетесот. Оваа година програмата изнесува 620 милиони денари, рече Милошев.
Тој информира дека оваа програма опфаќа и камп за едукација на лица со дијабетес, едукација за исхрана и физичка активност во образовните установи и изработка на едукативни материјали за подигнување на свесноста за оваа болест.
Претседателот на научното здружение на ендокринолози и дијабетолози на Македонија Татјана Миленковиќ со своето залагање во едукацијата на здравствените работници и на пациентите го поттикна и овозможи ова признание.
- Со ова признание или сертификат ние се стекнуваме со можноста да бидеме дел од визијата на Меѓународната федерација за дијабетес и да имаме клучна улога во понатамошниот придонес кон оваа светска кампања. Дијабетесот претставува постојано растечката закана за целиот свет, па и за нас, рече Миленковиќ.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка