Бизнис
13. July 2018 - 8:23

Потпишување договор со американски Теламон за инвестиција во Македонија

Во македонската Влада денеска ќе биде потпишан договор за државна помош со претставници на американската компанија Теламон Европа ДООЕЛ Скопје, која најави инвестиција од четири милиони евра во државава, со 300 работни места во наредните пет години.

Договорот ќе го потпишат министерката без ресор за странски инвестиции Зорица Апостолска и Том Пуза, директор на Теламон ДООЕЛ Скопје, во присуство на премиерот Зоран Заев и вицепремиерот за економски прашања Кочо Анѓушев.

Теламон произведува машини за спојување автоматски машини за сечење кабли, ленти, машини за пресекување и затворање.

Во САД има претставништва на девет локации, како и два меѓународни капацитета во Кина и еден во Мексико.