Македонија
20. April 2016 - 11:44

Потпишан меморандум за соработка меѓу Кочани и Разлог, Бугарија

Градоначалниците на Кочани Ратко Димитровски и на бугарски Разлог Красимир Герчев, денеска во Кочани потпишаа меморандум за соработка.

 
Со меморандумот се интензивира соработката помеѓу овие две општини во рамки на прекуграничната соработка и заедничкиот настап пред фодновите на ЕУ.
 
Градоначалникот Димитровски потсетувајќи дека соработката со Разлог трае повеќе  години, истакна оти со потпишувањето на овој меморандум таа се интензивира  во рамки на реализирање проекти од програмата за прекугранична соработка, како и заеднички настап пред фодновите на ЕУ.
 
- Воспоставената соработка на образовен, културен и спортски план успешно се остварува, истакна градоначалникот Димитровски.
 
Со општина Разлог, истакна тој, работиме на реализација на проектот за заштита на животната средина и користење на електричните автомобили во двете општини.
 
Градоначалникот на општина Разлог, Красимир Герчев очекува успешна соработка во делот на заедничката реализација на проекти од непосреден инетерес за граѓаните на двете опоштини, а од започнатите проекти во образованието очекува успешни резултати.
 
Делегацијата од општина Разлог ги посети и изворите на Геотермална вода кај село Подлог -Кочанско и  се запозна со потенцијалот и нивната искористеност, како и со перспективите за изградба на бањолошки центар и топлификација на дел од градското подрачје.