Потпишан Договор за заеднички контроли на ГП Табановце-Прешево
Со денешното потпишување на Договорот меѓу владите на Република Северна Македонија и Република Србија за воспоставување заеднички контроли на граничниот премин за меѓународен патен сообраќај Табановце-Прешево ние всушност правиме уште еден чекор напред во интензивирање на нашата соработка. И независно што овој Договор се однесува на делот на граничното полициско работење, сепак на него треба да се гледа и како на јасна контрибуција во насока на продолжување на формите за што поблиска соработка меѓу нашите две пријателски земји.
Ова денеска во Белград го изјави министерот за внатрешни работи Оливер Спасовски по потпишувањето на меѓувладиниот Договор за воспоставување заеднички контроли на граничниот премин за меѓународен патен сообраќај Табановце-Прешево, што го парафираа заедно со неговиот српски колега Небојша Стефановиќ.
Со овој договор, како што соопшти МВР, значително се намалуваат бирократските процедури и се забрзува протокот на возила, односно се намалува можноста за било каков застој.
Министерот Спасовски ја предводеше делегацијата од Република Северна Македонија, во која беа и државниот секретар при Министерството за внатрешни работи Магдалена Несторовска. Спасовски, како што се наведува во соопштението, нагласи дека како соседни земји негуваме одлични релации, упатени сме едни кон други, имаме мноштво заеднички интереси и не постои причина таа соработка да не ја развиваме и во иднина.
– Од аспект на соработката на нашите министерства за внатрешни работи, во делот на соработката меѓу двете полиции, во оваа прилика можам да констатирам дека таа е на високо ниво, со јасни перспективи за нејзино динамизирање и практично оперативно работење во многу области, како во делот на граничното работење, соработка во делот на трговијата со луѓе и споделување на заеднички искуства, така и во делот на другите видови превентивно делување наспроти разните форми на прекуграничен и транснационален криминал, а во интерес на националната и регионална безбедност, посочи Спасовски.
Потенцирајќи ги досегашните активности во делот на заедничката гранична соработка и можностите за нејзино проширување, Спасовски му се заблагодарил на неговиот колега, министерот Стефановиќ, како и на полициските службеници на српското Министерство за внатрешни работи кои заедно со македонските полицајци продолжуваат со заеднички активности за зајакнат надзор и контрола на нашата јужна граница.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово