Потпишан договор за регулација на реката Вардар во Полошкиот регион
Договор за основен проект за регулација на реката Вардар во Полошкиот регион вреден 2 милиони и 800 илјади евра денеска потпишаа министерот за животна средина и просторно планирање Нурхан Изаири и деканот на Градежен факултет-Скопје при УКИМ, Дарко Мославац.
Според министерот Изаири, договорот ќе се спроведува според претходно утврдена динамика, а нагласи дека е задоволен што токму Градежниот факултет како сериозна институција ќе го спроведе.
Деканот на Градежниот факултет Мославац смета дека овој проект е продолжение на веќе направен постар проект, со тоа што целокупната документација ќе биде, како што рече, максимално искористено, но ќе претрпи и многу промени.
Речното корито во Полошкиот регион е со голема широчина, мала далбочина и со остри кривини. На повеќе делници има отпад што доведува до плавење на населените места и на големи површини плодно земјиште. Со неговата регулација ќе се елиминираат поплавите, ќе се стабилизира водниот режим во Полошкиот регион, а ќе се контролира продукцијата и транспортот на речениот нанос.
Министерството за животна средина за овој проект ќе обезбеди 2 милиони и 600 илјади денари средства обезбедени преку Програмата за инвестиции во животната средина за 2016 година. Проектот треба да биде изработен во тек на четири месеци најдоцна до јули оваа година.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање