Потпишан договор за пречистителна станица во Струмица
Министерството за животна средина и просторно планирање, општина Струмица и јавното комунално претпријатие „Комуналец“ од Струмица денеска во Скопје потпишаа договор за изградба на пречистителна станица за отпадни води.
Договорот го потпишаа министерот за животна средина и просторно планирање, Нурхан Изаири, градоначалникот на Општина Струмица, Зоран Заев и директорот на ЈПКД „Комуналец“ Струмица, Зоран Ѓеоргиев.
Вкупната вредност на договорот за градба на овој инфраструктурен проект изнесува 8,4 милиони евра, а средствата се обезбедени преку Инструментот на ЕУ за претпристапна помош (ИПА) предвиден во рамки на Оперативната програма за регионален развој 2007-2013 и кофинансиран од Буџетот на Република Македонија.
Пречистителната станица ќе се гради со капацитет за 53.500 жители и ќе ги прочистува урбаните отпадни води од подрачјето на општината, како и индустриските отпадни води кои се испуштаат во канализациониот систем. Планирано е да се прочистуваат урбаните отпадни води од градот и населените места Баница, Добрејци, Градско Балдовци, Сачево, Дабиле, Муртино, Просениково, како и отпадните води од индустриската економска зона Сачево.
- Со изградбата на пречистителната станица значајно ќе се придонесе кон подобрување на кавалитетот на водите во реката Тракајна и реката Струмица и ќе се обезбеди заштита на Моноспитовското блато, се вели во соопштението од општина Струмица.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри