Потпишаани договори за економска и техничка соработка со НР Кина
Вицепремиерот Фатмир Бесими и амбасадорот на НР Кина Вен Џеншун, денеска потпишаа два договора за економска и техничка соработка, со кои се обезбедуваат неповратни средства за финансирање на проекти од интерес на двете земји.
- Во досегашната успешна проектна соработка, реализирани се повеќе проекти во областите образование, обуки/семинари во НР Кина области од интерес за Република Македонија, како и обезбедување на опрема за заштита и спасување. Како последен во низата на успешни проекти ќе се спомене изградбата на ОУ „Рајко Жинзифов“ во општина Кисела Вода, информираат од СЕП.
Двата нови договора за соработка, како што посочуваат од СЕП, се јасен израз на подготвеноста на двете страни за продолжување и проширување на проектната соработка и во периодот што следи.
Со новите средства, покрај веќе обезбедените од предходните години, планирано е да се реализираат проекти за изградба на две нови основни училишта во општините Гази Баба и Тетово, две нови детски градинки во општините Чаир и Кисела Вода, изградба на објект на Институтот Конфучиј во Скопје, како и мрежно поврзување на институции и организации во областа на образованието.
Активностите за подготовка и реализација на проектите се реализираат во координација помеѓу Секретаријатот за европски прашања и Канцеларијата за економска и трговска соработка при Амбасадата на НР Кина во Република Македонија.
Ново на Сител
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште