Постигнат договор за климатски неутрална Европа
Европските лидери на самитот во Брисел постигнаа договор за климатски неутрална Унија до 2050 година.
Маратонските разговори на претседателите на држави и влади од ЕУ, кои траеја до денеска по полноќ како приоритет го имаа договорот за постигнување нулта емисии на штетни гасови во земјите од Унијата.
Планот за „климатски неутрална Европа“ веднаш го поддржаа 25 членки, додека Полска, Унгарија и Чешка своите потписи ги условуваа со дефинирање датум, трошоци и начин на декарбонизација.
Едно од прашањата околу кои се водела дискусија меѓу земјите ќленки е можноста поголемиот развој на нуклеарна енергија во Европа да ги замени енергетските извори кои најмногу ја загадуваат животната средина предизвикувајќи ефект на стаклена градина.
Освен разговорите за климата, лидерите на ЕУ брзо се согласија околу продолжувањето на европските санкции против Русија.
Во текот на вечерата во Брисел, лидерите го разгледаа и буџетот на ЕУ за следните седум години и го овластија претседателот на Европскиот совет Шарл Мишел да „ги продолжи преговорите со цел финализирање на договорот за буџет“.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите