Последна македонска офанзива пред априлскиот извештај на ЕУ
- Вицепремиерот за европски прашања, Бујар Османи попладнево оствари средба со дипломатските претставници на земјите членки на ЕУ задолжени за Западниот Балкан.
По средбите во Европската комисија утрово, Османи се сретна и со дипломатите од Советот на ЕУ, кои исто така ги информирал за текот на реформите во Македонија, како и за другите политички прашања, како што е спорот за името со Грција, но и политичкиот дијалог со опозицијата.
Македонски дипломатски извори за МИА изјавија дека средбата поминала во „многу позитивна атмосфера“.
Најголема поддршка за старт на преговори искажале шпанскиот и италијанскиот претставник, велат изворите на МИА.
Ова е последна дипломатска офанзива од македонска страна пред затворањето и објавувањето на извештајот на ЕК за напредокот на Македонија на 17 април, и прилика за македонската страна да ги изложи своите аргументи за добивање неусловена препорака за старт на преговори со ЕУ.
Османи по средбите во Европската комисија објасни дека времето кое преостанува е кусо.
- Извештајот се затвора на 21 март и имаме уште неколку дена за испорачување мерки, за да влијаеме, потенцира Османи.
Со претставниците на ЕК утрово се разговарало за планот 3-6-9, кој Османи смета дека се наоѓа во „напредната фаза“. Тој додаде дека рокот за завршување на делот 9 е 17 април кога и конечно се затвора извештајот.
- Тоа што е останато како задоцнета мерка е делот од пакетот мерки кои се преговараат меѓу власта и опозицијата. А тоа е делот за правосудството, законот за заштита на сведоци, законот за судови, законот за Судски совет. Делови кои бараат двотретинско мнозинство. Законот за заштита на сведоци не бара двотретинско, но бидејќи е сензитивен сакавме да ја вклучиме опозицијата. Потоа безбедносните служби исто така се дел од разговорите со опозицијата, формирањето на ОТА, законот за финансирање на политичките партии, и изборната реформа е дел исто така. Има првичен договор да се врати старото решение, но долгорочните планови е ДИК да стане професионално тело, а политичките претставници да се вклучат шест месеци пред секои избори, изјави Османи за МИА.
Вицепремиерот им порачал на неговите соговорници дека за спроведувањето на духот на реформите е од голема важност да се одржи европската перспектива.
- Колку е појасна перспективата, толку луѓето се однесуваат повеќе согласно тие стандарди. Политичката криза ни се случи како резултат на бледнеењето на перспективата, изјави Османи.
Ново на Сител
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон