Последици од невремето во Гази Баба | ФОТО

Гази Баба вчера беше зафатена од силно невреме. На социјалните мрежи, жителите споделуваа фотографии и видеа од штетата која ја предизвика силниот ветер. 

Однесени кровови, падната дрвја и олуци, откачени кабли од бандери, поплавени локации.

- Од плус 42 степени неиздржлива горештина, за 5 минути катастрофа, искршени автомобили, покриви, паднаа дрвја, и по 10 минути пак сонце како ништо да не било, сведочи еден жител. 

Веднаш по невремето општина Гази Баба го активираше општинскиот кризен штаб за постапување во вакви состојби и беа формирани тимови за делување на терен.

- Вработените од ЈКП 6 саати работат макотрпно низ целата општина Гази Баба, сподели една жителка на оваа општина. 

- Малку посилен ветер од 70-80 километри на час го крена цело Маџари и Ченто, летнаа сите лимени кровови, коментира друг жител. 

И самите жители од повеќето населби ги расчитуваа штетите настанати од невремето.