Посетата на босанскиот премиер на Србија е можност за подобрување на односите
Босанскиот премиер Денис Звиздиќ и министерот за надворешни работи Игор Црнадак денеска во Белград се сретнаа со српскиот премиер Александар Вучиќ во рамки на посетата која аналитичарите ја оценуваат како можност за подобрување на затегнатите билатерални односи меѓу двете земји, пренесе Танјуг.
На прес-конференција по средбата Вучиќ изјави дека Србија искрено се стреми кон мир и соработка.
- Ако некој стравува од можни политички конфликти, кои можат да завршат и полошо, од името на српската Влада ветувам дека ќе дадеме се од себе да ги свртиме нештата во обратната насока, кон соработката меѓу двете земји, рече Вучиќ.
Српскиот премиер посочи дека секоја година расте трговската размена со Босна и Херцеговина и може да се очекува во следните четири години да надмине две милијарди евра. Тој, исто така, соопшти дека ќе се формира заедничка екипа за модернизација на железничката линија Белград - Сараево.
Односите меѓу Србија и Босна и Херцеговина во моментов се сложени и понекогаш доаѓаат до крајности - од тешки зборови, закани и бескрајни кавги за минатото, до повици за вистинско помирување и дури за заживување на југословенското „братство и единство“, за „Дојче веле“ коментира аналитичарот од Европската иницијатива за стабилност Аднан Черимагиќ.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка