Македонија
29. јуни 2017 - 8:58

Портокалова фаза во Македонија - од денеска пекол

Времето во Македонија ќе биде претежно сончево и многу топло, во источните делови со мала до умерена облачност и со услови за појава на краткотраен дожд. Ќе дува умерен југозападен ветер, кој повремено ќе засилува, особено на запад.

Утринската температура ќе се движи од 14 до 21, а дневната од 33 до 40 степени.

УВ-индексот ќе има вредност 9.

Во Скопје слично време, сончево и многу топло со умерен повремено засилен југозападен ветер. Утринската температура ќе се спушти до 20, а дневната ќе достигне до 39 степени.

Од утре до сабота вдолж Повардарието максималната температура ќе надминува над 40 степени. Утре ќе дува засилен југозападен ветер.

Во недела поради брз продор на влажна и посвежа воздушна маса од север ќе има врнежи од дожд и појава на грмежи со засилен ветер, а ќе започне и значително опаѓање на температурата кое ќе потрае неколку дена иако ќе има постапен пораст на дневните температури.