Порошенко не ја исклучува можноста да објави воена состојба во Украина
По „рекордната ноќ според бројот на вооружени инциденти" во Украина, претседателот Петро Порошенко најави дека е можно да прогласи воена состојба, пишува „Комерсант".
Порошенко „ќе биде принуден да објави воена состојба и мобилизация", ако ситуацијата во источна Украина и Крим се заостри, ја цитира весникот вчерашната изјава на шефот на државата. Според него, ноќта спроти 18 август била рекордна по бројот на пукотници на границата помеѓу Украина и сепаратистичките про-руски „народни републики“, Доњецката и Луганската (ДНР и ЛНР).
Олександр Мотузјаник од кабинетот на Порошенко информираше дека завчера вечер загинале тројца украински војници, а шестмина се ранети, додава весникот.
- Украинските вооружени сили се подготвени за отпор на која и да било основа. Веројатноста конфликтот да ескалира останува голема. Воопшто не исклучуваме руска инвазија од која било страна. Подготвени сме - нашите вооружени сили, за отпор на непријателот - и на исток и кон административната граница со Крим, анектиран од Русија во 2014 - истакна украинскиот претседател.
Раководството на ДНР ги демантира наводите за вооружени инциденти и соопшти дека ако Украина прогласи мобилизација, тие соодветно ќе одговорат, се вели понатаму во статијата.
„Претседателот на Украина вели дека Русија се подготвува да нападне во Украина. Нормално ли е ова?" - коментира московска „Росискаја газета" пренесувајќи ја реакцијата на руското Министерство за надворешни работи и „ реторичкото прашање" на портпаролката Марија Захарова.
- Всушност, ние и не сфаќаме за што говори г-н Порошенко и за каква општа инвазија станува збор. Впрочем, во принцип секогаш е тешко да се разбере за што тој говори. Тоа е - изјавила Захарова пред „РБК".
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка