Порошенко и Зеленски ја критикуваа новата акција на Кремљ за давање државјанство
Претседателот во заминување во Украина и новиот шеф на државата, Петро Порошенко и Володимир Зеленски денеска во одделни изјави ја нарекоа Русија окупаторска сила во источна Украина, откако Москва почна постапка за поедноставување на процедурата за добивање руски пасоши.
Претседателот во заминување Порошенко рече дека со акцијата Кремљ го крши меѓународното право, додека новоизбраниот шеф на државата, Зеленски, ја обвини Русија за војна против Украина.
Претходно денеска, рускиот претседател Владимир Путин потпиша декрет за забрзано решавање на барањата за руско државјанство на Украинци, кои живеат во Донецк и Луганск.
Во декретот објавен на интернет-страницата на Кремљ се вели дека на луѓето кои живеат во делови од Украина, односно регионите Донецк и Луганск, барањата ќе им бидат разгледани за помалку од три месеци.
Путин изјави оти е неприфатливо жителите на украинските региони Донецк и Луганск да немаат права, но и додаде дека Москва не сака да му создава проблеми на новото украинско раководство.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри