Поранешниот германски канцелар Хелмут Шмит ќе биде погребан на 23 ноември
Поранешниот германски канцелар Хелмут Шмит, кој почина во вторникот, на 96-годишна возраст, на 23 ноември ќе биде погребан со државни почести во неговиот роден град Хамбург, соопшти Министерството за внатрешни работи, цитирано од француските медиуми.
Поранешниот социјалдемократски лидер, кој беше канцелар од 1974 до 1982 година, до последните неколку месеци беше активен учесник во политичката дебата, коментирајќи ја грчката криза или конфликтот во Украина.
Шмит почина во својот дом, откако во август и септември лежеше во болница.
По повод неговиот 95-ти роденден. во декември 2013 година, во анкета на списанието „Штерн“ Хелмут Шмит беше оценет како најзначајниот германски канцелар во периодот по Втората светска војна, добивајќи 25 проценти од гласовите, пред Конрад Аденауер (23 проценти), Вили Брант (18 проценти) и Хелмут Кол (17 проценти).
Хелмут Шмит и тогашниот француски претседател Валери Жискар д'Естен го заживеаја француско-германското пријателство и проектот за европска интеграција. Нивната работа, по нафтениот шок, доведе до европскиот монетарен систем.
Германската канцеларка Ангела Меркел во вторникот го нарече Хелмут Шмит „политичка институција“ на Германија, истакнувајќи ја неговата „лична смиреност и неговиот природен авторитет“, а францускиот претседател Франсоа Оланд го оцени како „голем Европеец“.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка