Поранешниот генерален секретар на ОН, Кофи Анан, ќе биде погребан во Гана
Поранешниот генерален секретар на ОН, Кофи Анан, кој почина на 18 август на 80-годишна возраст, денеска ќе биде погребан во неговата родна земја Гана.
По јавната комеморација во Меѓународниот конференциски центар во главниот град Акра, добитникот на Нобелова награда за мир ќе биде погребан со приватна церемонија на воените гробишта на Акра.
Покрај сопругата на Анан, Нан, неговите деца и внуци, претседателот Нана Акуфо-Адо, високи владини претставници, на комеморацијата се очекува да присуствуваат и високи воени лица, дипломати и функционери од целиот свет.
Откако телото на Анан во понеделникот беше пренесено во западноафриканската држава од Швајцарија каде што почина, илјадници жители на Гана му одадоа почит на Анан, чиј ковчег беше поставен во конференцискиот центар.
Анан остави зад себе големо наследство како глобален државник и борец за мир, дијалог, човекови права и владеење на правото, потсетува агенцијата ДПА.
Тој ја презеде функцијата генерален секретар на ОН во јануари 1997 година. За време на неговиот безмалку 10-годишен мандат, тој отпатува во речиси секоја земја во светот и ги повикуваше владите да ги поддржат Обединетите нации.
Анан одигра и централна улога во создавањето на Глобалниот фонд за борба против СИДА, туберкулоза и маларија и усвојувањето на првата стратегија на ОН за борба против тероризмот.
Тој беше втор генерален секретар на ОН кој ја освои Нобеловата награда за мир, која во 2001 година ја подели со ОН.
Откако се повлече од ОН, Анан продолжи да работи за мир како шеф на Фондацијата Кофи Анан со седиште во Женева и „Старешини“, група меѓународни лидери што ја основа Нелсон Мандела.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок