Поранешен грчки министер почина од Ковид-19
Поранешниот грчки министер од ПАСОК и поранешен пратеник од истата партија, а подоцна и од Движење на промена, Димитрис Кремастинос, по 44 дена, утрово ја загуби битката со новиот коронавирус и почина на 78 годишна возраст, јави дописничката на МИА од Атина.
По професија кардиолог, Кремастинос беше личен лекар на основачот на ПАСОК Андреас Папандреу, но и министер за здравство и социјално осигурување во неговата влада во периодот од октомври 1993 година до јануари 1996 година.
Беше пратеник во грчкиот Парламент 14 години, прво од редовите на ПАСОК, а потоа и од Движење на промена, додека пак од октомври 2015 до јули 2019 година беше во еден од потпретседателите на Парламентот.
На 26 март годинава 78-годишниот Кремастинос, беше примен во една од атинските болници на Одделот за интензивна нега откако беше констатирано дека е заразен со Ковид-19.
Сочувство и жалење за смртта на Кремастинос изразија премиерот и претседателката на Грција, претседателот на Парламентот, министерот за здравство, лидерката на неговата матична партија, Движење на промена.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ