Живот
7. July 2017 - 15:20

Пораката од ова дете го расплака светот: Мама нема пари да ми ја купи играчкава, ве молам не ја купувајте вие

„Мојата мајка нема доволно пари, па така ќе ми ја купи Пандата дури следната недела на 15 јуни. Ве молам да не ја купувате, зошто тоа ќе ме расплаче. Многу сум ви благодарен - можеби идниот сопственик. Името на пандата е _ Панди, пишувало на кутијата во која се наоѓала плишаната панда.

Со својата искреност и срцепарателна порака Леон (10) ги трогнал работниците во еден маркет кои се одлучиле да го изненадат. За да го пронајдат детето фотографија од пораката објавиле на Фејсбук.

Деби Ешворт го препознала ракописот на својот син и им се јавила. Вработените потоа ја повикале да го доведе синот зошто имаат изненадување за него. Малиот Леон го чекал неговиот Панди, па бил пресреќен.

-Ова ми е најдобар ден во животот, рече детето.