Живот
24. April 2019 - 10:41

Поради заветот на Тигрите не смее да дојде во Србија - синот на Милошевиќ не присуствуваше на погребот на неговата мајка

Марко Милошевиќ не присуствувал на погребот на Мира Марковиќ поради стравот од осветата на Аркановите тигри кои се зарекле дека ќе им се одмазди на сите кои се одговорни за смртта на Жељко Ражњатовиќ, пренесуваат белградските медиуми. 
 
Соборците и пријателите на некогашниот командант на Српската доброволна гарда знаеја дека убиството на Аркан имало и политичка позадина, но и дека синот на некогашниот најмоќен човек во државата имал сериозна расправија со Ражњатовиќ. 
 
Во време кога Милошевиќ бил шеф на државата. Марко сакал да шверцува цигари и нафта и да му ги препродава на него. Поради расправијата околу превласта на црниот пазар се закрвил со Аркан, кој таа  расправијата ја платил со глава. 
 
Набрзо по овој завет во брутална ликвидација во белградскиот хотел „Интерконтинентал“ 15. јануари 2000 година Аркан беше убиен, а неговите „Тигри“ се зарекоа дека ќе им се одмаздат на сите кои имаат врска со убиството на нивниот командант. 
 
Поради тоа синот на Милошевиќ  одлучи на 6. октомври да одлета за Москва кога на целото семејство му бил понудел политички азил во Русија. Колку е стравот од одмаздата на „Тигрите“ говори фактот што Марко од тогаш не се осмели да дојде во Србија, дури ни за погребот на неговата мајка, ни татко.