Поради ниските температури Кавадарци трет ден се соочува со недостиг од вода
Како резултат на прениските температури кои во регионот под Кожув достигнаа и до околу минус триесет степени, дојде до замрзнување на воздушните вентили од водоснабдителниот систем на регионалниот водовод „Лукар”. Ова е причината поради која Кавадарци веќе трет ден се соочува со недостиг од вода за пиење, информираше денеска кавадаречкиот градоначалник Александар Панов.
-Енормно ниските температури придонесоа ова замрзнување да се продлабочи и на деловите на мини централите на Јавното претпријатие „Комуналец”. Дојде до исфрлување на централите од употреба. Целокупното водоснабдување е насочено кон градот. Дополнителни педесет литри во секунда се пуштени од новиот водоснабдителен систем и очекувам во текот на денот или некаде околу седумнаесет часот, комплетно да се нормализира состојбата со водоснабдување на целиот град Кавадарци, нагласи градоначалникот.
Панов упати апел до сите водокорисници во овој период кога има енормно ниски температури да се воздржат од непотребно пуштање на славините од чешмите по двориштата. Напротив, тие чешми да бидат коммплетно исклучени.
-Тоа пуштање на чешмите со цел да не замрзнат, придонесува за енормна потрошувачка на вода во овој зимски период. Како последица на тоа доаѓа исто така до недостиг од вода за пиење прво во селата, а потоа и во градот. Затоа за солидно водоснабдување во градот и селата, треба да допринесат и самите водокоринсици, додаде тој.
За штетите што јавното претпријатие ќе ги претрпи заради неработењето на централите, рече дека се проблем на општината.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас