Поради дефект на „лирџетот“ Иванов во Софија со комерцијален лет (ДПЛ)
Владиниот авион „лирџет“ со кој претседателот Ѓорге Иванов отпатува во Сараево на лидерскиот состанок на „Брдо-Бриони процесот“ поради технички проблеми констатирани при редовната контрола ќе остане во БиХ, а претседателот со комерцијален лет ќе замине на веќе планираната посета за Софија.
- Денеска требаше да се обави лет од Сараево за Скопје во 10 часот. Летот не е обавен поради тоа што при редовна функционална проверка на системите на авионот, увиден е дефект на еден од инверторите кој ја претвора струјата од 24 во 115 волти, изјави за МИА директорот на владината Служба за општи и заеднички работи Васе Доневски, во чија надлежност е одржувањето на авионот.
Доневски вели дека е стапено е во контакт со овластениот сервис во Нирнберг со цел авионот утре да се упати таму за да се острани дефектот, со претходно одобрение на фирмата производител „Бомбардие“ од каде е набавен и на Агенцијата за цивилна воздушна пловидба на РМ.
Од кабинетот на претседателот Иванов велат дека поради неговата агенда, односно претстојната посета на Софија, тој од Сараево патува со комерцијален лет.
Ново на Сител
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати