Попоски се сретна со британскиот министер за Европа, Дејвид Лидингтон
Колку Македонија има одговорност да напредува во реформите, толку ЕУ има одговорност да ја врати вербата во фер пристапен процес, истакнал министерот за надворешни работи Никола Попоски на средбата со британскиот министер за Европа, Дејвид Лидингтон, кој од вчера е во посета на Македонија.
- Наше е да да имаме постојан напредок во областите кои се најважни за членство во ЕУ. Никој не може да го сработи тоа за нас. Низ годините научивме дека секое унапредување на стандардите е од корист за македонските граѓани, без разлика што воедно истото не приближува и кон ЕУ. Сега сме максимално посветени на спроведување на изборите и работиме на областите поврзани со пристапните преговори. Останува на земјите членки да ја вратат вербата на македонските граѓани дека може да имаме кредибилен пристапен процес и низ него да ги надминеме сите предизвици кон членството во ЕУ, рекол министерот Попоски.
Соговорниците, како што соопшти ресорното Министерство, ја реафирмирале важноста и улогата на Обединетото Кралство како долгогодишен партнер и поддржувач на Република Македонија во остварувањето на највисоките надворешно-политички приоритети.
Министерот Лидингтон ја истакнал важноста преку реформи да се зајакнат аргументите за придвижување на Македонија кон ЕУ, особено во сложените услови со кои ЕУ се соочува.
За време на средбата беа разменети мислења и за мигрантската криза, интензивирањето на билатералните односи и можноста за економска соработка.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација