Попоски на конференција во Брисел
Заменик - претседателот на Владата на Република Македонија и министер за надворешни работи Никола Попоски, денеска во Брисел ќе учествува на Меѓународната конференција „Незавршена правда: реституција и сеќавање”, посветена на жртвите од Холокаустотот, соопшти МНР.
Kонференцијата што ќе се одржи во Европскиот парламент, ја организираат Европската алијанса за преживеаните од Холокаустот (EAHS), коалицијата на членовите на ЕП посветена на прашања на преживеаните од Холокаустот, Светската еврејска организација за реституција (WJRO) и Европскиот институт за Холокаустот (ESLI), заедно со Европскиот еврејски конгрес (EJC) и B'nai B'rith International, како и постојаните мисии во ЕУ на Израел, Чешката Република и Велика Британија и нивните министерства за надворешни работи. Собирот ќе го отвори претседателот на Европскиот парламент, Антонио Тајани.
На конференцијата ќе се разговара за процесот на реституција на жртвите од Холокаустот согласно обврските од Терезинската декларација од 2009 година, со посебен фокус на моменталната состојба, најдобрите практики и методи од Европската унија за решавање на овие прашања, со цел побрз напредок на овој план.
Република Македонија е трајно посветена кон грижата за нејзините граѓани Евреи, го заврши процесот на реституција на македонските Евреи жртви на Холокаустот и вложува континуирани напори на полето на сеќавањето, образованието и истражувањето на Холокаустот, се наведува во соопштението од македонското МНР.
Ново на Сител
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис
-
Руските сили гранатираа 17 населени места во областа Херсон, две лица загинаа
-
Состојба на патиштата