Свет
18. July 2021 - 14:15

Поплави и во Италија

Поради обилните дождови кои ја погодија Италија, северот и југот на земјата во недела се борат со поплави и надојдени реки.

Службите за итни случаи во Сицилија, во градот Палермо и остатокот од регионот, добија стотици повици по обилните дождови. Пожарникарите интервенирале поради поплавување и оштетување на водата, потврдија во неделата наутро. Засега нема сериозни штети.

Обилните врнежи од дожд во изминатите 24 часа го погодија и Јужен Тирол, регион на северот на земјата, покажаа метеоролошките податоци.

Речиси 50 литри дожд на метар квадратен паднаа меѓу саботата наутро и неделата наутро на северо-источно од покраината, во близина на границата со Австрија.