Попладне пороен дожд, продолжува периодот на нестабилно време
Продолжува периодот на променливо и нестабилно време. Како што најави УХМР, попладнево повторно се очекуваат врнежи, грмежи и засилен ветер, а така ќе биде и во следните денови. На некои места се прогнозира и изолирана појава на град проследена со крактоктрајно невреме.
До вторник ќе биде нестабилно, претежно попладне, а локално процесите може да бидат поинтензивни со пообилен дожд за кратко време, електрични празнења, засилен ветер и град. Нестабилноста ќе биде особено изразена во текот на утрешниот ден.
Од вторник условите за невреме ќе се намалат, но и натаму ќе има можност за пороен дожд и грмежи, особено во попладневните часови.
-Денеска, од пладневните часови на места и особено во планинските региони на западот ќе биде нестабилно со пороен дожд, грмежи и засилен ветер, понекаде со појава на град. Максималната температура ќе биде во интервал од 25 до 34 степени. Во Скопје од пладневните часови ќе има зголемена облачност, појава на нестабилност со пороен дожд, грмежи и засилен ветер, а температурата ќе достигне 32 степена. Во следните денови во претпладневните часови времето ќе биде сончево со мала до умерена облачност. Во попладневните часови на места ќе биде нестабилно со пороен дожд, грмежи, засилен ветер и појава на град, понекаде и во вид на невреме. Температурите ќе се покачат, а особено топло ќе биде од почетокот на следната недела кога претежно на југоистокот ќе надминуваат 35 степени, наведува УХМР.
Изминатите 24 часа најмногу врнежи имало во Крива Паланка, 22 литри на метар квадратен, додека 10 литри се измерени во Тополчани, осум во Прилеп и Маврово, четири во Крушево, Берово, Претор и Штип, два литра во Ѓуриште, Скопје – Зајчев Рид и Лазарополе, како и еден литар на метар квадратен во Дојран, Струмица и Битола.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово