Пописот на САД во 2020 година нема да биде ревидиран
Американскиот претседател Доналд Трамп го повлече своето барање за ревидирање на пописот на САД и порача информациите за државјанството да се приберат во негово заобиколување.
Во изјава дадена синоќа во Белата куќа, Трамп укажа дека Бирото за попис располага со информации од Службата за социјална заштита, таканаречените бонови за храна или од затворските служби. Во сите нив постои информација за државјанството.
-Врз основа на расположливите административни записи може да се одреди државјанството на 90 отсто од населението, изјави Трамп. Тој му порачал на министерот за трговија да ја разгледа можноста за вклучување на графата „државјанство“ во пописот во 2030 година.
Претходно, Врховниот суд на САД го блокираше барањето на Белата куќа пописните формулари да содржат прашање кое би требало да гласи: „Дали лицето кое го пополнува има американско државјанство“. Судот заклучи дека Администрацијата не поднела доволно основи за ревидирање на пописот.
Можноста за вклучување на графата „државјанство“ се разгледуваше од лани. Противниците се повикуваа на краткото време бидејќи веќе беше порачано печатење на формуларите, како и тоа дека луѓето би биле обесхрабрени да учествуваат во пописот. Не само оние кои се дојдени илегално туку и државјаните кои се плашат дека со своето учество ќе ги откријат членовите на семејството кои не се државјани.
Ново на Сител
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција