Помпео-Захариева: САД и Бугарија имаат стратегиски односи
САД и Бугарија имаат позитивен развој на билатералните односи, кои се од стратегиски карактер, оценија синоќа на средба во Вашингтон, американскиот државен секретар Мајк Помпео и бугарската вицепремиерка и министерка за надворешни работи Екатерина Захариева.
По средбата, Захариева изјави дека Помпео дал висока оценка за бугарското претседавање со ЕУ во првата половина на годинава и и се заблагодарил на Софија за поддршката на земјите од Западен Балкан во нивните напори за членство во НАТО и ЕУ.
На средбата станало збор и за укинување на визите за државјаните на Бугарија за патувања во САД, за модернизацијата на бугарската Армија, за напорите на Софија за диверзификација на енергетските извори, за склучување на билатерален договор за социјална заштита, како и за мировниот процес на Блискиот Исток.
Захариева претходно вчера се сретна со претставници на бугарската заедница во САД, а за денеска се предвидени нејзини средби со советникот за национална безбедност на американскиот претседател Доналд Трамп, Џон Болтон и со претставници на Меѓународниот републикански институт и на Националниот демократски институт.
Ново на Сител
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина