Помпео: САД и натаму работат на Самитот со Северна Кореја
САД и натаму работат на тоа историскиот Самит со Северна Кореја да се одржи на 12 јуни, изјави американскиот државен секретар Мајк Помпео.
Обраќајќи се на новинарите по средбата на американскиот претседател Доналд Трамп со неговиот јужнокорејски колега Мун Џае-ин, Помпео рече дека средбата со севернокорејскиот лидер Ким Џонг-ун во Сингапур можно е да биде одложена.
Помпео додаде дека Стејт департментот и Белата куќа и натаму работат на тоа да се „целосно подготвени“ за Самитот, со истите цели - денуклеаризација на Северна Кореја и создавање услови за таа земја веќе да не биде закана за светот.
Тој потенцираше дека Пјонгјанг би можел да профитира од американските инвестиции и технологии доколку спроведе денуклеаризација.
Претходно, Трамп изјави дека подготовките за негова средба со севернокорејскиот лидер Ким Џонг-ун продолжуваат, но таа сепак може да биде одложена или откажана, ако не бидат исполнети некои услови.
Претседателот на САД, кој даде изјава пред средбата во Белата куќа со јужнокорејски колега Мун Џе-ин, го повтори својот став дека Северна Кореја треба да се денуклеаризира, за да се одржи средбата со Ким закажана за 12 јуни во Сингапур.
- Мислам дека Ким е сериозен. Мислам дека е сосема сериозен во неговата намера да ја затвори нуклеарната воена програма на Северна Кореја, рече Трамп.
Американските медиуми коменитраат дека Трамп се надева оти Мун Џае-ин ќе му помогне да ги сфати вистинските намери на севернокорејскиот лидер.
Трамп и Мун вчера спроведоа консултации во момент кога дојде до ново заострување на односите меѓу Сеул и Пјонгјанг, поради воените вежби кои ги одржуваат САД со Јужна Кореја. Поради тие вежби, Северна Кореја се откажа од средбата со Јужна Кореја и се закани дека ќе ја откаже планираната средба на Трамп и Ким.
По средбата на Трамп и Мун, портпаролот на јужнокорејската Влада најави дека разговорите меѓу Сеул и Пјонгјанг на високо ниво веројатно ќе продолжат по 25 мај и завршувањето на американско-јужнокорејските воени вежби.
Ново на Сител
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка