Свет
3. September 2019 - 8:34

Помпео и Фон дер Лајен се договорија САД и ЕУ да работат заедно за глобалните прашања

Aмериканскиот државен секретар Мајк Помпео и новоизбраната претседателка на Европската Комисија, Урсула фон дер Лајен, изразија намера заеднички да работат на прашањата од приоритетната светска политичка и економска агенда, се посочува во соопштението на Стејт департментот по нивната средба во Брисел, пренесоа светските агенции.

Државниот секретар и го честита изборот на Фон дер Лајен. Двете страни потврдија дека тесната соработка меѓу САД и ЕУ е многу важна за просперитетот како на атлантскиот регион, така и на целиот свет. Двајцата ја изразија заедничката одлучност да се работи врз широк круг глобални прашања, се посочува во соопштението.

Неговата посета се случува во момент на дипломатски тензии меѓу трансатлантските сојузници, вклучувајќи ги и царините за европските автомобили и разликите во политиката кон Иран и климатските промени.

При посетата на Брисел, која ќе продолжи и денеска, Помпео ќе се сретне со лидерите на ЕУ и НАТО.