Помош од Гевгелија за настраданите во поплавите
Уште десет работници од гевгелиското комунално претпријатие од денеска се наоѓаат во погоденото подрачје од поплавата во скопскиот регион и заедно со седумте нивни колеги, кои се вклучени во помошта од пред два дена, работат на отстранување на последиците од поплавата.
Од претпријатието потврдија дека тие со четири возила, четири агрегати и четири пумпи работат на испумпување на водата од домовите, чистење на калта и остатоците од поплавата и исфрлување на ѓубре и оштетена покуќнина.
Информативната служба на општина Гевгелија соопшти дека попладнево за Скопје тргнал и шлепер со донирана вода за пиење и хигиенски средства од граѓаните и правни субјекти од општина Гевгелија која уште од првиот ден се собираше на пунктот во дворот на ТППЕ Гевгелија. По препорака на Црвениот крст на Македонија помошта ќе биде доставена до магацинот во Момин поток.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација