Помор на риби во Раец - испуштена непозната течност од возило во реката
Испуштање непозната течност од возило е причина за поморот на риби во реката Раец во општина Кавадарци, покажа вонредниот надзор што го спроведе Државниот инспекторат за животна средина.
Надзорот бил извршен во месноста Фаришки клисури, а присутен бил и јавен обвинител.
Се работи на откривање на сторителот, а земени се и мостри од угинати риби и вода кои ќе бидат доставени до соодветна лабораторија за понатамошно испитување.
-Врз основа на добиена информација од Кабинетот на градоначалникот на општина Кавадарци Митко Јанчев за помор на риби во реката Раец, Кавадарци, денеска во доцните попладневни часови извршен е вонреден инспекциски надзор од страна на државен инспектор за животна средина од Одделението за инспекциски надзор во животната средина – Вардарски и Југоисточен, канцеларија Кавадарци. Констатирано е испуштање на непозната течност од возило во реката Раец, при што е дојдено до помор на риби, информира Инспекторатот.
Издадено е и соопштение за забрана за секакво користење на водите од реката Раец во селото Дреново.
Ново на Сител
-
Изработувале муниција во нивниот дом, уапсени татко и син од Сирково
-
Потпишани барањата за екстрадиција на Шеваљ Муареми и Мухамед Чајани
-
ДИК: Заврши увидот во Избирачкиот список и регистрацијата на гласачите од дијаспората
-
Ковачевски: Владата подготви закон за рестриктивни мерки, Милошоски да го стави на комисија
-
Трамп: Ако победам, ќе го депортирам принцот Хари доколку лажел на апликацијата за виза
-
ДИК: Црната листа на САД не може да влијае врз претседателската кандидатура на Стевчо Јакимовски
-
Бебе загина во сообраќајка на патот Струмица-Ново Село
-
Приведен дебранец поради агресивно однесување кон полициски службеници